Þjónusta

Starfsemi MFM miðstöðvarinnar vegna offitu, matarfíknar og átraskana.
Hjá MFM er boðið uppá einstaklingsmiðað meðferðargrógram sem stuðlar að líkamlegum, tilfinningalegum/huglægum og andlegum bata fyrir þá sem fá skimun og greiningu um matarfíkn og/eða átraskanir.

Fyrsta skref
Fyrsta skrefið er viðtal: þar er farið yfir sögu viðkomandi hvað varðar matar- og þyngdarmál og skimunarferli sett af stað til að kanna hvort um matarfikn og/eða átraskanir geti verið að ræða.
Fyrir þá sem búa ekki á höfuðborgarsvæðinu er boðið upp á síma/ eða skype viðtöl.

Annað skref
NÝTT LÍF meðferðaprógram
Hefst með helgarnámskeiði, þar sem skjólstæðingar hefja meðferð.  Í meðferðinni er unnið að breytingum á matarræði og fráhald hafið, lært að elda fyrir nýjan lífstíl, og lagður grunnur að einstaklingsmiðaðri meðferð.

Meðferðin felur í sér daglegan stuðning við matardagskrá, stuðningshóp sem hittist einu sinni í viku, tvo og hálfan tíma í senn, vikulega fyrirlestra og kynningar, m.a. á 12 spora bataleiðinni, ásamt einstaklingsviðtölum eftir þörfum.  Einnig mælum við með 12 spora batahópum eins og OA og GSA ásamt öðrum meðferðahópum sem vinna m.a. með meðvirkni og aðrar fíknir.
Í meðferðinni er leitast við að styðja skjólstæðinga í breyttum lífstíl og bataferli sem felur í sér stuðning við þær mataræðisbreytingar sem viðkomandi er að takast á við, ásamt því að skoða hver er undirliggjandi orsök vandans og aðstoða viðkomandi við að ná tökum á honum.

Þriðja skref
Fráhald í forgang framhaldsnámskeið fyrir þá sem hafa lokið  byrjendameðferðinni.  Einnig fyrir þá sem eru ítrekað að missa fráhaldið sitt.

Fjórða skref
Að viðhalda batanum. Þetta skref getur falið í sér regluleg viðtöl með ráðgjöfum MFM miðstöðvarinnar, stuðningshóp sem hittist mánaðarlega og endurkomur í skemmri og lengri tíma eftir þörfum.
Við mælum með byrjendameðferð og bjóðum upp á framhald sem getur tekið allt að ári eða lengur.
Samtals og dáleiðslumeðferðir Estherar Helgu hafa einnig verið að skila góðum árangri.