Þjónustan okkar

Fyrsta skrefið er skimunar og greiningarviðtal: þar er farið yfir sögu viðkomandi hvað varðar matar- og þyngdarmál og skimunarferli sett af stað til að kanna hvort um matarfikn og/eða átraskanir geti verið að ræða. Fyrir þá sem búa ekki á höfuðborgarsvæðinu er boðið upp á viðtöl með fjarfundabúnaði.

Námsskeiðið kallast Hornsteinninn og er 30 daga meðferðarnámskeið.

Hefst með dagsnámskeiði, þar sem skjólstæðingar hefja meðferð og svokallað fráhald frá matvælum og drykkjum sem geta kveikt líkamlega fíkn og löngun.  Í meðferðinni er unnið að breytingum á matarræði og fráhald hafið, lært að elda fyrir nýjan lífstíl, og lagður grunnur að einstaklingsmiðaðri meðferð.

Meðferðin felur í sér daglegan einstaklingsmiðaðan stuðning við matardagskrá og önnur meðferðarverkefni. Í stuðningshópnum sem hittist tvisvar í viku  eru stuttir fyrirlestrar og unnið með það sem upp kemur í meðferðinni.  Farið er yfir  verkefnavinnu skjólstæðinga og meðferðarprógramm sem styður við bata og byggir m.a. á 12 spora bataleiðinni.  Einnig er boðið uppá einstaklingsviðtöl eftir þörfum.  Við mælum með 12 spora batahópum eins og OA og GSA ásamt öðrum meðferðahópum sem vinna m.a. með meðvirkni, tilfinningar og aðrar fíknir.

Í meðferðinni er leitast við að styðja skjólstæðinga í breyttum lífstíl og bataferli sem felur í sér stuðning við þær mataræðisbreytingar sem viðkomandi er að takast á við, ásamt því að skoða hver er undirliggjandi orsök vandans og aðstoða viðkomandi við að ná tökum á honum.

Námsskeiðið kallast Lykilsteinn og er framhaldsnámsskeið.

Námsskeiðið fyrir þá sem hafa lokið Hornsteininum.  Einnig fyrir þá sem eru ítrekað að missa fráhaldið sitt. Daglegur stuðningur og vikulegir fundir. Lykilsteinninn er nýtt 15 vikna námskeið fyrir þá sem vilja finna lykilinn að varanlegum bata.

Eftir Hornsteininn og Lykilsteininn er eftirmeðferð til að viðhalda batanum.

Þetta skref getur falið í sér regluleg viðtöl með ráðgjöfum MFM miðstöðvarinnar, stuðningshópa og endurkomur í skemmri og lengri tíma eftir þörfum.

Við mælum með byrjendameðferð og bjóðum upp á framhald sem getur tekið allt að ári eða lengur. Samtalsmeðferðir og djúpviðtöl Estherar Helgu styðja við bataferli skjólstæðinga og vinna að rótum vandans.